Gecə saatlarında 21 yaşlı xanım pasiyent döş sümüyünün arxasında ağrı, epiqastral nahiyyədə ağrı və yad cisim udma şikayəti ilə Mərkəzimizə başqa bir klinikadan yönləndirilmişdir. Gec saatlarda olmasına baxmayaraq, Mərkəzimizin mütəxəssisləri tərəfindən aparılan müayinələr zamanı qida borusunun distalında mədənin kardial hissəsinə pərçim olunmuş yad cisim - çəngəl aşkarlanmış və xəstə qastroskopiya olunaraq, yad cisim alliqator forseps aləti vasitəsilə xaric olunmuşdur. Xəstənin vəziyyəti yaxşı olub, evə yazılmışdır.
